तेस्रो स्थानका लागि नेपाल र उज्वेकिस्तान भिड्दै

काठमाडौँ, जारी एनएससी–काभा अन्तर्राष्ट्रिय महिला भलिबल प्रतियोगितामा नेपाल आज आइतबार उज्वेकिस्तानसँग भिड्दैछ ।
प्रतियोगितामा नेपालले आज तेस्रो स्थानको लागि उज्वेकिस्तानसँग खेल्न लागेको हो । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा हुने नेपाल उज्वेकिस्तानबीचको खेल बिहान ११ः३० बजे सुरु हुनेछ । फाइनलमा प्रवेश गर्न नसकेको नेपालका लागि उज्वेकिस्तानसँग सान्तवना जित हासिल गर्ने मौका छ । उज्वेकिस्तानको पनि तेस्रो हुने लक्ष रहनेछ । त्यसैगरी आइतवारनै उपाधीका लागि भारत र काजकस्तानबिच प्रतिस्पर्धा हुँदैछ । फाइनल खेल दिउँसो ४ः१५ बजे सुरु हुनेछ ।