काठमाडौं । टेलिभिजन रियालिटी शो ‘द पोएट आइडल’ सिजन २ को औपचारिक घोषणा भएको छ । शुक्रबार आयोजित पत्रकार सम्मेलनमा यो शो आगामी सोमबारदेखि प्रसारण हुने जानकारी दिइएको हो ।
जसअनुसार हिमालय टिभीमा यो कार्यक्रम प्रत्येक सोमबार र मंगलबार राती ९ बजेदेखि प्रसारण हुनेछ । उक्त प्रेसमिटमा शोका निर्माता तथा निर्देशक अमनप्रताप अधिकारीले विभिन्न प्रायोजकसँग लिखित सम्झौता गरे । वात्सल्य नेचुरल शीर्ष प्रायोजकको रुपमा रहने भएको छ ।
यो पत्रकार सम्मेलन शोकी जज तथा अभिनेत्री केकी अधिकारी प्रेरित रह्यो । अभिनेत्री अधिकारीलाई कविता रियालिटी शोको निर्णायक बनाइएको बारे सामाजिक संजालमा भएका टिप्पणीबारे संचारकर्मीले प्रश्न सोधेका थिए । जसमा केकी र निर्देशक अधिकारीले आलोचनाको खण्डन प्रयत्न गरे ।
निर्देशक अधिकारीले केकीलाई अब्बल नायिकाको रुपमा प्रशंसा गर्दै उनले पोएट आइडललाई न्याय गर्न सक्ने बताए । यो शो लेखनमा मात्र आधारित नरहेको अमनको भनाई थियो ।
उनले दोस्रो सिजनमा कूल एपिसोड संख्या ३० हुने जनाए ।
उक्त अवसरमा जज तथा कवि विप्लव प्रतीकको जन्मदिन पनि सेलिब्रेट गरिएको थियो । सिजन २ लाई अभिनेता समेत रहेका दिव्यदेवले होस्ट गर्नेछन् । जजमा उपेन्द्र सुब्बा र अनुप बराल पनि हुनेछन् ।
