काठमाडौँ । काठमाडौँको चन्द्रागिरीबाट प्रहरीले खैरो हेरोइनसहित एकजना युवकलाई पक्राउ गरेको छ । पक्राउ पर्नेमा बाँकेको कोहलपुर घर भएका ३२ वर्षीय सचिन राना छन् ।
उनको साथबाट ४८ ग्राम खैरो हेराइन बरामद गरिएको जिल्ला प्रहरी परिसर काठमाडौँका एसएसपी वसन्त रजौरेले बताए ।महेन्द्रनगरबाट काठमाडौँ आएको बसमा सवार उनी नागढुंगा चेकप्वाइन्टबाट पक्राउ परेका हुन् । घटनाबारे प्रहरी वृत थानकोटले अनुसन्धान गरिरहेको छ ।
