काठमाडौँ । सरकारले प्रस्तुत गरेको बजेटमार्फत लगानीकर्ता असन्तुष्ट देखिएका छन् । बजेट प्रस्तुत भएको भोलीपल्ट अर्थात बुधबार भएको कारोबारमा लगानीकर्ता निराश बनेको झल्किएको हो । बुधबार नेपाल स्टक एक्सचेञ्ज नेप्से परिसूचक २३.८१ प्रतिशतले घटेको छ ।
सेयर बजारका लगानीकर्ताका अनुसार बजेटमार्फत सरकारले बजार सुधारको योजना समेट्न सकेन । यद्यपि, यो क्षेत्रलाई थप बिगार्ने नीति समेत नलिएको उनीहरूको प्रतिक्रिया थियो । तर बुधबार बजेटपछि पहिलोपटक भएको कारोबारमा परिसूचक दोहोरो अंकले खुम्चिएको हो ।
१.१२ प्रतिशतले खुम्चिएसँगै नेप्से परिसूचक २०८९ अंकले घटेको छ । यसक्रममा बुधबार ४ अर्ब ५७ करोड ५० लाख रुपैयाँ बराबरको १ करोड ७ लाख कित्ता सेयर किनबेच भएको छ । परिसूचक घटेपनि ५६ वटा कम्पनीको सेयर मूल्य बढेको छ ।
यस्तै १९१ वटाको मूल्य घटेको छ । यसबाहेक बुधबार ४ टा कम्पनीको सेयर मूल्यमा सकारात्मक सर्किट लागेको छ । युनिलिभर, कालिञ्चाके दर्शन, अप्पर लोहोरे खोला हाइड्रोपावर र भगवती हाइड्रोपावरको सेयर १० प्रतिशतले बढेको हो ।
बुधबार ४ वटा समूहको सूचक समेत बढेको छ । वित्त, होटल र टुरिजम, उत्पादनमूलक र व्यापार समूहको सूचक बढेको हो । यसबाहेक अन्य समूहको सूचक घटेको छ । जीवन बीमा समूहको सबैभन्दा धेरै १३४ अंक र निर्जीवन बीमा समूहको सूचक १०४ अंकले घटेको हो ।
